Lovely Wedding

非常感謝當日幫助過我地既工作人員,

令呢個婚禮進行得好開心同好順利!

因為 d 相要到出年1月先到手,所以暫時 post 住 d 花絮俾大家睇住先啦.

因為本人實在太懶,所以有成 2 個月冇 update 過呢個 blog, sor~sor~

首先,等我回顧一下早排冇寫到既野先~


呢個多月黎,減肥既次數老實講真係唔多,除左有時係唔舒服唔想郁之外,

仲有因為太懶既關係,所以最後減肥就變左增肥喇...


11月15號,因為知道自己肥左,所以要求做多次 fitting...

一試就發覺之前試果4條裙竟然全部都著唔落呀!!!oh my god!!!

距離攞衫得返一個星期,想改都改唔切啦~點算呀????

心情變得極度焦急!!!

好彩最後都搵到一件大 d size 岩我著者~

但係已經要著9號 size 啦...真係有 d 接受唔到囉~

不過呢樣野都未算奇,最奇係去到沖繩...

我既 body 又唔知點解無啦啦變返瘦...

跟住條裙就變成鬆得濟喇!哈哈哈~

自己玩謝左自己呀...哈哈哈~


講完出發前既野,係時候講返行禮當日既事喇~


沖繩既婚禮已經喺4日前順利完成左喇.yeah~


果日天都未光,就起身full 媽屎...點知到教堂化妝果陣,化妝師又幫我full多個媽屎!!!

full完塊面勁包呀!!!!!!!!!!!!!(點解我當時唔去 stop 佢呢???一定係唔夠訓遊緊雲喇...)


呢日都算好好彩啦,

首先係天氣既問題,果日天文台話會落雨呀,真係要感謝天公造美,

行禮果段時間都好好天,冇落雨!(到左夜晚就落狗屎...)

另外行禮之前,牧師喺準備房入面同我地做 briefing,

佢要我地到時講一段英文~

with this ring

which is a symbol

of my love for you

i thee wed

唉~我個口果日咁岩生左粒飛滋,勁痛喎...搞到我講到一舊舊...

跟住我就勁驚囉...好緊張我好緊張呀!!!

好彩,到正式講果時俾我講到者~


由行禮前到影結婚相,成個過程都充滿住好多歡笑聲~

衷心感謝當地工作人員熱情既幫忙,

仲幫我地影左輯靚靚既花絮~

仲要多謝老公,帶動到大家都玩得好開心!


丫,有樣野真係不得不提,就係 Aquagrace 呢個教堂真係好靚架,可以喺呢度行婚禮真係我既榮幸呀!

所以要再一次多謝我老公啦,

俾左呢個咁美好既經歷同回憶我~

老公,我會努力做一個好太太!令你都會覺得好幸福既!hehe~

仲有個多月就出發到沖繩啦!哈哈哈~

旅遊天書已經寫好,好多細節都 confirm 左.

快 d firm 埋機票酒店就好喇...

上星期六,去左 wedding 公司 (Watabe Wedding) 試衫.

前後試左4套,套套都好靚.

經過一番考慮之後,就揀左呢套喇! hehe~

仲有3個月多d,就到出發沖繩行禮既日子了~


哈哈!之前講既修身大計,我到而家都仲未開始實行bor...

因為之前大病左一場,日日食藥食到得返半條人命.

雖然而家好返,

但仲係日日受住鼻敏感引發"不停流鼻水+鼻血"既煎熬...

再加上自己懶,所以仲未開始做運動同護膚修身呀!


不過,都差唔多要開始動手架啦!

我諗由而家開始,3個月內應該都可以減到 d d 既,hehe~